Со натпреварите од синоќа беше одиграно првото коло од Лига А во аматерската лига во мал фудбал Хоби Fair Play Лига. За разлика од 1 коло во Лига Б, во Лига А имаме натпревар кој заврши без победник.
Во доста израмнет натпревар бодовите ги поделија екипите од Евротип и Индирект, додека натпреварот Аматери – Серава беше одложен.
На стартот победи остварија екипите на Клиника за Ревматологија – Реума, Дентал Имплант Солушн, Нонејм, Сервис Милошевски, Јанта Волеј Драчево и Гостилница Дома
Вкупно беа постигнати 64 гола, а најефикасен натпревар беше Македонска Пошта – Сервис Милошевски каде беа постигнати 14 гола.
Пајтим Реџепи од екипата на Клиника за Ревматологија – Реума е најдобар стрелец на колото со 4 постигнати гола. Хет Трик остварија играчите Дарко Каевски од екипата на Кисела Вода, Кадир Амза и Мартин Чаловски од Сервис Милошевски, Мирослав Стојановски од Дентал Имплант Солушн, Горјан Ангелевски од Јанта Волеј Драчево.
Со четирите натпревари одиграни синоќа, комплетирано е првото коло од Лига Б во аматерската лига во мал фудбал ХобиFairPlayЛига.Карактеристично за осумте натпревари е што ниту еден натпревар не заврши без победник и има подеднаков број на победи (4) и порази (4) на домашните и гостинските екипи.
На стартот, победи остварија екипите на Линкс, Паркленд, Маседониан Вориорс, Ј.П.К Хигиена, Работнички 93, Компанија Атанасовски, Голден Кар и Батинца.
Вкупно беа постигнати 56 гола, а најефикасен натпревар беше Батинца – Иглс каде беа постигнати 13 гола.
Антонио Димовски од екипата на Голден Кар и Орхан Даути од екипата на Батинца беа најрасположени за голови постигнувајки по 5 гола.
